寫寫畫畫

JASPER

SHOULDER

不知道從何時開始喜歡拿起紙筆畫畫畫, 字母,數字當圖像的去表達, 今晚竟然無意間看到你的新作品,不得不讓我記下來,讓你長大後回味一番!

仔: 媽咪,你唱head,shoulder啦.

媽: head, shoulder.....

仔: (當唱緊的時候, 就寫head, shoulder字)

媽: 小柏,你個shoulder咁得意既?
仔: 係呀! (一路微笑, 一路寫)

媽: 嘩! 好靚喎, 係未shoulder嚟架?

仔: 係呀媽咪, 等我寫jasper先啦.

仔: 靚唔靚呀! (不停寫)

媽: haha...好靚喎!

(令我想起坐巴士的時候,每次都專心地望出窗外, 好留意街上的招牌,有時候都問我點解d英文字母會咁寫,或者你學招牌的logo, copy出來)

你的手

仔: 不如砌下書名啦.
媽: aiyi, 無咗個u tim...

仔: 媽咪, 你睇下, 呢個未u囉!

媽: 哈哈! 係喎!

仔: 係呀, 呢個係細u嚟架!

媽: 好靚喎個細u, 唔該哂!

你的手指時常做出不同的字母和數字, 教識我們很多!

昨晚還有小貓的3 撇鬚呢!

Word World

你的word world時常在客廳上出現, 當與daddy夜回家的時候, 一門口, 總會遇上了它們! 今天晚上, 我們又再忍不住的拿出相機拍下你的好友們..也談起你談了一個晚上!

歪理

仔:媽咪,我唔要食呢個呀!
媽:唔得架, 牧師話唔食都要食架!
仔:都唔好食....
媽:牧師話食下食下就好食架喇!

媽:等媽咪錫一啖小柏咀仔先!
仔:(好興奮攬埋一舊)
媽:ar...都係唔好, 錫面好d.......
仔:係未怕H1N1呀?
媽:哈哈! 係呀, 錫咀仔會傳染H1N1架!

爸:因住整親媽咪呀!
仔:係未5566呀?
爸:咩5566呀?
仔:呢6號5樓呢...
爸:係未c5 6號床呀?
仔:係呀...

用愛去建立!

參加了健康院的3P 課程(positive parenting program),讓我們3位可以藉此平台去學習怎樣去教導小朋友,也令阿仔更容易明白彼此之間的需要.

曾經有家長提出, 小朋友只有3-4歲, 會否太過嚴厲而有反效果呢?會不會嚇怕他們,破壞關係,本末倒置呢? 姑娘的回應是,我們要多在平日的時間用愛去與他們相交,多溝通等,若父母在平日的時段做得足夠,讓小朋友知道被受愛護的話,當需要遵行一些紀律,要嚴厲處理的時候, 小朋友並不會被嚇怕, 反而用愛去建立,會有更大的果效.

初為人父母, 要學習的事有很多, 多謝主! 有衪在旁引導! 阿仔都是一樣,多謝聖靈在他心中導引, 教導他, 改變他. 亦感謝哥哥姐姐, 只要是正面的, 這條路並不艱難.

媽咪

開學週 1-4/9

1/9正式開學, 一家人隆重其事, 媽媽連續4天上午放大假, daddy放2天, 哈哈! 有機會看看你上課的樣子, 真是藉得!

第1天:在路上與Anna ee 相遇, 很親切! 接著你在興發門口停下來, 哭了一會堅持要進去.另很多通告需要填寫, 媽媽很久沒有試過零晨3時睡覺喇..
第2天:與你一同跟著地上所畫出的黃色箭頭, 學習怎樣上落樓梯..
第3天:今天又再之啪你繫在頸上的八達通, 表現得很開心! 另daddy看到你沒有勇氣的樣子去嘗試舉手回答問題. 有趣!
第4天:在路上與麥太幹事相遇, 神的家很溫暖! 另今天的茶點是梳打餅, 當你打開膠袋拿出3塊餅乾放入碗裡之後, 連忙將袋裡的餅碎倒入口中, 令媽媽會心一笑, 真的很美味嗎!? 餅碎都不放過!!

看來你在這裡學習不大抗拒, 又或許這星期有我們的陪伴, 所以心情額外興奮. 盼望下星期乘搭褓姆車不會令婆婆太辛苦吧! 你要加油呀!

能夠與你一同成長, 是我們畢生的榮幸, 多謝主耶穌! 願主保守你的心, 慢慢地結出屬靈的果子.

彼此相愛

媽咪最近常常聽到:

媽咪, 我唔要你,我要daddy.....

daddy, 我唔要你,我要媽咪.....

婆婆, 我唔要你,我要媽咪....

你知道這些說話是很傷害人的嗎? 要彼此相愛呀..

學游泳

7月9日開始第1堂學游泳, 那天早上我放假,與你9時到游泳門口等譚教練, 我倆心情很興奮, 你左手夾住浮板,右手拖著我, 一路同我講: 媽咪, 我好開心呀, 可以同你去游水! 我的回應就是: 係呀! 媽咪都好開心呀, 一陣仲有個哥哥同你玩架! 然後彼此對面笑笑...一路上重覆呢個問答+對望超過10次, 看來你真的很開心.

更衣後你已經與教練開始熟絡, 還牽著手落練習池, 媽咪便坐在池邊觀察你們, 教練讓你適應在水中的狀態, 先開始學習憋氣, 他說你很快適應. 問我是什麼原因? 我想應該是前一天與你沖涼的時候, 在浴缸嘗試帶上泳鏡憋氣, 將頭放入水中. 他相信是因為這樣,你今天學習的時候, 更容易明白.

希望你早日學識游泳,我們一家可以出沙灘游游.

Good morning mammy!!

仔:good morning mammy!
媽:good morning jasper!
仔:媽咪,起身呀! 好晏喇!
媽:係咩, 而家幾多點呀!
仔:16點喇 (亂講)
媽: haha...唔係卦, 16點!! 等媽咪睇下先....吓! 而家先係6點咋, 媽咪個鬧鐘都未響..
仔:媽咪,起身啦,我想玩呀..!!!

最終媽咪魂不附體出客廳開奶比你飲, 跟住坐係地下寫寫畫畫. 你仲教我大字型坐加添.

媽咪, 你咁樣"mark"大對腳坐啦, 好似我咁呀!!

終於到7:30換衫番工,如果唔係實遲到.

螞蟻的故事

晚餐的時候.....
仔:媽咪你睇下! 佢做咩事行來行去既?
媽: e, 係喎, 咁得意既, 隻螞蟻可能係度周圍搵野食呀.
仔: 係呀,咁唔知道佢食唔食飯呢?
媽: 係喎,不如媽咪比佢試下啦. (將一粒飯放係牆上)
仔: (隔一會) 佢好似唔食喎.
媽: 咁不如比d豆佢試下啦. (將成碗茄豆放係螞蟻附近)
仔: 好呀! 媽咪,你試下啦..
媽: (再隔一會) 佢唔食喎!
仔: 係呀, 不如睇下佢飲唔飲水啦.
媽: (將個水樽放係螞蟻附近) 佢唔飲喎...不如你試下食飯先, 等佢學下你食飯同飲水啦!
仔: 哦, 好呀!

刷牙

媽: 小柏, 刷牙瞓覺喇!
媽: 數分鐘之後...小柏, 快D刷牙喇, 好夜喇, 要上床瞓覺喇! (出面客廳的人完全無反應, 係廳玩得好開心)

數十分鐘之後.............你仲走咗入房玩個mouse!!!!
媽: 你聽唔聽到呀, 媽咪叫你刷牙呀! (打手仔)
daddy: 好喇好喇,我地去刷牙喇!
媽: 你呀, 聽我叫咗咁耐都唔幫手帶佢入嚟!

好肚餓!

中午去麥當當食了一個蘋果批,回家途中買了一個腿蛋飽,臨睡之前你竟然話.......
仔:daddy,我想飲milk呀.
daddy:吓! 你食咗個飽仲飲milk?
仔:係呀,我要飲milk呀,如果唔係呢,我瞓唔著架...
daddy:haha...係呀,咁daddy開少少比你啦.
仔:唔好呀,我要多d呀!

開完之後....
仔:daddy呀,我要多d呀,要一樽滿哂架喎.
daddy: haha....你飲完daddy先再比你啦.
仔:唔好呀,我想滿哂呀.
daddy:你再唔飲我收埋佢架喇.
仔: 唔好呀! (即刻上床瞓係我旁邊)

媽咪見到你狂啜支奶, 都忍不住話: haha..小柏,你真係好肚餓喎!!
終於飲完瞓覺...我同daddy都可以休息一下喇.

食雞餸

媽:小柏,你仲咩攞咗媽咪個鑊摌呀?
仔:媽咪,我煮緊英文字母呀.(地下摌下摌...)
媽:咁你煮完未呀?食得未呀?
仔:食得喇,媽咪你食啦. (一堆磁石放在盒裡)
媽:食咩呀?
仔:食雞餸啦?
媽:haha....食雞餸?
仔:係呀,好唔好食呀?
媽:haha..好好食呀. (扮食)

真係咩都玩一餐..

留宿一宵 - 15/6/2009

表哥表姐留宿一宵,見你們玩得好開心..一齊包餃子,一齊四圍走,一齊瞓,一齊爬,一齊寫.好不熱鬧..
同daddy回家一入屋,眼見兩個小朋友追追逐逐,笑得好開心,我地都好開心,只不過...見到間屋亂七八糟就唔多高興喇!

世上只有媽媽好

一晚放工回家你沖涼的時候,婆婆叫你唱2句比我聽: 世上只有媽媽好,有媽的孩子像個寶.

媽咪聽到2句都已經感動到飛起,好開心!

終於聽到你唱:
世上只有媽媽好
有媽的孩子像個寶
投進了媽媽的懷抱
幸福享不了!

起初聽到我毛管豎起,你親自唱比媽咪聽的感覺好直接. 今日, 當聽過十幾二十次之後, 感覺已經不再一樣了.

瞓覺

晚上和你瞓覺面對面的時候...

仔:媽咪,你隻耳仔做咩呀? 點解有隻野係個耳仔度既? (手指指)
媽:哦....係耳環嚟架!
仔:哦....原來係咁,我明白喇! (好似好明白咁既樣)

又有一晚...
仔:媽咪, 你個肚突咗出嚟既? 咁肉酸,快d用件衫掩住佢啦! (隨即將手放在我肚皮上)
媽:係喎, 唔該哂!


又有一晚...
仔:媽咪, 你個頭髮咁長既? 係咩嚟架?
媽:小柏, 呢d係頭髮呀! 你個d係長定短架?
仔:短...
媽:係喎, 小柏頭髮短過媽咪.

跳舞

小柏:媽咪, 你睇下......
睇見你成日跳舞,花樣多多,單腳,交叉腳,旋轉,手舞足蹈,好趣怪!
小柏:Daddy媽咪,一齊跳啦.
三個傻傻地在客廳內舉手舉腳,每次都玩足一整晚..

哈哈, 開心到極!煩惱盡消!

媽咪

第3個年頭

與你共渡第3個年頭,光陰似箭, 很多藉得記載的說話..

我覺得呢好熱架喎

我想食呀

我好掛住你呀

我好鐘意砌積木架

婆婆, 和平點解呀?我唔知道喎

我可唔可以玩一陣呀

唔好啦, 玩5分鐘啦

daddy,抱一陣得唔得呀

各位你地好呀

感謝天父,賜的飲食,求主潔淨,保我平安..

你叫做咩名呀

小柏唔乖,因為唔坐定定

我下次唔敢喇,真係架

......

影子計劃

今日影子計劃的分享內容令我倆深刻:
1. 最近開心的事是什麼? 最近不開心的事是什麼? 不開心的時候會做什麼? 不開心的時候與誰分享? 這是講員的一個小小的調查, 去訪問小學生.
2. 如果你有3個願意, 你希望你的孩子有什麼..
3. 你認為4歲的孩子明白你講的"道理"有幾多??
4. 如何溝通? 3步曲: 先說出小孩子的感受, 明確說出"不"並給予方法或選擇..
5. 建議從小讓孩子與你分享心事. 先讓孩子趴在你的胸口聽聽心跳聲..
6. 定下09年家庭4大目標: 1次旅行, 2次比賽, 3次講座, 4十本書

教養孩子, 使他走當走/正確的路, 就是到老, 也不偏離.
主的恩典夠我們用的.
我們靠著那加給我力量的, 凡是都能作.
好好照顧神所給我們的產業便已足夠, 開放自己去嘗試不同的方法, 並接納不同人的意見.