再見馬鞍山

好快就要搬離馬鞍山喇,不知不覺你差不多2歲喇,開始見到熟悉的人物或者物件就會指住然後叫人,好好笑..
媽媽,爸爸,noody,kerry,milk milk,好,唔好,耶穌,阿們...

明天星期六,又可以去馬鞍山公園逛逛喇,早些出門仲可以行埋圖書館,培養閱讀的興趣.

媽咪

23/10/2007

昨天開始紫婷表姊因為太"百厭", 所以會來住一個星期當懲罰.
但係一個星期真係得嗎?
其實好幾驚小柏大過會學壞, 因為你依家都開始好野蠻....希望大過嗰時會生性啲喇...

13/10/2007

近排成日都唔肯瞓覺,當陪佢瞓係床的時候,佢就會不停講野同哼幾首歌, 最後我瞓佢都未呀..

ABCDEFGHIJK.....
12345 678910
耶和華是愛,讓我安躺青草溪水邊,..
(媽咪講完禱文後): 奉主名求 (阿仔): 阿們
喂,係呀,係呀
唔好,唔好,唔好..
食,食..
..!!

09/10/2007

3週年快樂!!

29/9/2007

阿仔係個鞋盒上面狂 "un",...終於跌落地, 我捉都捉唔住, 最後塊面瘀哂!!

26/9/2007

追月真係忙過上班,一早爺爺奶奶到馬鞍山飲茶,一見到阿仔就開心到飛起,又要帶你去坐車車,睇魚,睇龍蝦,一見你食野就好開心,成日提住你好乖咩都食,然後我就會答希望大個都係啦..
又話你好叻識比野奶奶食,好大方,又開始用匙食野,又開始講野,拿起手提電話就不停嘴,好似真係同人講緊電話..
夜晚舅父一家同梓婷表姐來訪食飯,好開心!因為大家工作繁忙,好耐唔見喇,所以談個不停,阿仔同彥一齊食共玩,好friend,大人就傾下近況,仲建議一起到生活營玩幾天,希望成團啦...

25/9/2007

中秋節快樂!
晚飯之後拿起音樂花燈到馬鞍山公園賞月,今年雖然天文台話睇唔到月亮,但仍然吸引好多人到公園聚聚,遊樂場擠滿很多人,阿仔就玩滑梯上上落落很多次,為免跌倒,同爸爸一起陪你上上落落,搞到週身汗.
之後就到商場逛逛,都好耐沒有輕輕鬆鬆一家三口行街買野,平時多數都係逛超市,所以行到成十點.

23/9/2007

提子飽上的提子原來好吸引..
當我同阿仔兩個坐係梳化嘆緊提子飽的時候,佢一分鍾唔夠就已經搣哂飽上面的提子去食, 之後仲搣埋我手上的, 估唔到咁好味.

22/09/2007

心心姐姐到訪,好開心地教阿仔學跳彈床,學跳舞寫字.
而媽咪同爸爸呢, 就學一次過連續帶兩位小朋友出街,都幾"哩hair",仲要去排隊換雪糕月餅呢.

21/9/2007

今日一早當我仲瞓緊的時候.....就已經坐係我個肚上面不斷地躉下躉下,好大力..

我就不斷慘叫,你就一於少理, 仲笑到哈哈聲&仲唱歌!!!

媽咪

20/9/2007

一早都未起身,阿仔就已經走咗上嚟著住"有涵"的尿片坐係我臉上..........阿仔,好臭呀!!!!!

媽咪

17/9/2007

今朝一早就爬上爸媽的床,爸爸同你玩咗一陣就閃咗去sofa瞓,原來你仲未聽夠我沉晚唱的歌,手上拿著歌詞要我continue....阿仔,7點咋!!都未開聲,不過見你咁有心,唯有牙都唔刷就瞓係度演唱幾曲啦.

Look,look,look,
It's gray,it's gray,it's gray..........

1 2 3 4 5 Chuff,chuff,chuff,woo woo........

媽咪

16/9/2007

上2個月雅培奶粉打嚟電話推銷,一次買3罐奶粉好底,見阿仔咁大個應該都可以試下其他牌子,所以好爽快就定了3罐.
沉日收到一隻"Noddy"卡通的VCD,原來係佢地多謝我的支持,於是開嚟同阿仔一齊睇,一見到就好鐘意,仲要同我一齊唱歌同Dancing. 幾首歌都好好聽,阿仔手上拿住歌詞不斷示意叫的唱,好幾好笑,一唱佢就拍手,

1.
Look,look,look,
It's gray,it's gray,it's gray

Look,look,look,
The cloud is gray!!

2.
1 2 3 4 5
Chuff,chuff,chuff,woo woo

6 7 8 9 10
Chuff,chuff,chuff,woo woo

The train is at the station
Chuff,chuff,chuff,woo woo

All aboard the Toyland train
Chuff,chuff,chuff,woo woo

15/9/2007

今晚參加中秋晚會,因為下午參加了家聚所以有點累,希望下年唔會撞期啦,如果唔係都幾辛苦.

阿仔吃完夜奶準備上床瞓之際,又將D奶嘔哂出嚟,今次係輪到Daddy抱住你,好在佢都好快手,只係嘔落地,成家總動員又去收拾呢個殘局,又夜又眼瞓,好在3個都好齊心合力,否則1點都未上得床呀.阿仔,你下次飲奶小心d啦,唔好落錯隔呀!!

14/9/2007

小柏,唔知幾時開始,你日日6點幾7點鐘就會起床.
自從你識得自己由BB床落地下同埋開門,你就會好開心咁行出廳玩.
有時仲會開爸媽的睡房門入黎,雖然我仲好疲倦未訓醒,但都會同你
玩一陣才番工,不過每次我要出門口時你都會喊呢...Daddy

12/9/2007

沉晚飲完奶無幾耐就嘔哂出嚟, 仲係當我抱住你的時候,所以我全身都係奶.
對於呢方面我真係無咩經驗,淨係識企係度由得你嘔,無即刻跑入廁所,最後,全家總動員都出手,有的同你沖涼,有的拖地收拾,有的找乾淨衣服更換..阿仔,你係得既.

媽咪

12/9/2007

阿仔係玩具店見到一朵會動的花就好興奮,又大叫又拍手又"un"腳,最後婆婆忍不住用$60將朵太陽花帶回家.

媽咪

11/9/2007

阿仔見到我身上的墨就會用2隻手指"搣"出嚟放入口食, 好似真係食得落肚咁,津津有味,仲"am""am"聲..

媽咪

10/9/2007

朋友送來2隻vcd, 好開心因為其中一隻就係阿仔好鍾意的卡通公仔"阿寶",謝謝!!

媽咪

9/9/2007

叫阿仔幫忙攞紙尿片,點知.........一次過攞哂袋裡面所有的...激死!

媽咪

6/9/2007

今天是爸爸的生日,我們到GCH慶祝,之後故居重遊.他很喜歡這份生日禮物,是一件白色球衣,印有他的名字,所以我們打算送一件給你,父子裝.

回到家你已經睡著了,唯有明天早點起床見你啦.

媽咪

5/9/2007

因為阿仔的眼圈越來越黑, 所以今晚好早就已經陪阿仔上床睡覺, 十時左右已經入睡喇.
之後在客廳收拾, 無意間想起朋友送來的放刊物架, 可以用作阿仔書架之用. 興高采烈地找呀找, 終於完成喇, 心情好興奮.

媽咪

4/9/2007

沉晚收工番到屋企婆婆為爸爸預備了豐富的預祝生日晚餐,有魚,有雞有蘋果鮑魚仲有老火湯,好好味,爸爸仲對婆婆說聲謝謝.阿仔就只係可以食魚同蘋果,不過都食到津津有味.
阿仔開始坐唔定,坐係high chair都時時噙起身,好危險. 飯後是暢遊的時間,媽咪傾完電話之後就放張墊三個一齊走嚟走去, walking, running, jumping, 一路讀一路做動作.
阿仔仍然好鍾情跑去大門後面,跟住就扮小狗係地下爬,最後玩到十一點就刷牙, 刷得似模似樣.

媽咪

3/9/2007

最近Disney Channel 早上8點放映一套卡通片個主角名字叫阿寶,係阿仔最近的至愛, 段片有3部份,約15分鐘, 通常我都會陪阿仔睇埋至上班, 因為阿仔一見到主角出場就好肉緊地叫"阿寶阿寶",仲手指指走埋去電視前,拍手,fing手,腳un un, 大笑咩都齊,好可愛.

媽咪

2/9/2007

星期日完了崇拜到太上與爺爺嫲嫲飲茶,已經開始用匙x喇, 有時就順利地將匙裡的食物放入口中, 不斷拍手掌,若果不成功的話, 就會敏捷地出手去拿食物, 激死,好似好餓.

87D回到馬鞍山便到馬鞍山公園playground玩, 這是精力無限的小朋友最鍾意去的地方, 又可以跑又可以爬, 除了阿仔好累之外, 我倆都一樣.

媽咪

1/9/2007

沉日見到阿仔成日用手指大力篤個電視,終於忍不住大聲鬧,見到佢即時收手,想喊又唔敢,跟住即刻走去攬住媽咪,連媽咪都比我嚇親,不過媽咪話我其實做得正確,因為已經好多次喇...
唔知係未心虛, 阿仔成晚對我不瞅不睬,令我都有d唔開心,唔知道對佢成長有無影響呢! 小小後悔.

另外早上一家三口去烏溪沙沙灘行咗一陣,海水仲仍然好清,沙就因為有好多蠔殼,不適宜玩沙.阿仔第一次行沙灘,心情好興奮,著住涼鞋一路行一路沙入腳都無喊,算不錯.

天氣好,一早就已經有人租艇出海玩,老闆娘話$280一日,五點完,回家途中遇著過雲雨所以小小狼狽.

Daddy

31/8/2007

沉晚買了麥當勞番屋企食,第一次比你試下食薯條,點知你一手就潛一條長長的放入口,好滿足咁,食得津津有味;都未食完就即刻抻手潛入個袋潛第二條, 仲有手指指杯汽水向我示意要飲埋一份..唔知道從幾時開始,一見到有飲管的飲品你都有興趣, 笑死. 果然麥當勞不是浪得虛明!!
媽咪

30/8/2007

沉晚表姐梓婷嚟過夜, 所以婆婆一早就同表姐帶埋阿仔去天水圍探琳琳表姐同彥一表哥,好開心又去街,由早去到晚, 仲話食埋飯先番.

爸爸媽媽唯有去茶軒撐下枱腳啦, 食完飯行惠康, 見到小朋友的食物就覺得阿仔應該會鍾意, 忍不住手, BB麥精,粟米片仲有VCD送....好底!!番到屋企已經十點, 婆婆話阿仔好開心, 彥一大過咗好多, 又健碩, 兩個撞嚟撞去. 表姐們就學人煮晚餐,包餃子煮上海麵, 真係大個女喇.

同阿仔沖涼係最開心的時間,因為佢會不停咁踎低起身然後將個頭慢慢向上望住你等你鍚佢個額頭仔, 真係冧到暈!!!!

媽咪

29/08/2007

好開心見到阿仔你開始學講說話, 每天都不停講住: apple, 爸爸, 食, 唔係呀, 4,5, 真係笑死人. 有時又好瘋癲咁係間屋度走嚟走去, 唔比人拖住嚟行, 以為自己好醒個樣, 真係好好笑. 沉日靚表姐恩祈同心儀表姐嚟屋企玩, 婆婆話你地3隻馬騮係我張床到look個不停, 好開心, 跟住夜晚爸爸換床單的時候你又表演番比我地睇又跪又趴係度個樣, 我地都認唔住拍低比你回憶下. 媽咪